ད་ལྟ་ཁྱེད་ཀྱི་གནས་ཡུལ་ནི། - ཙོང་ཆུའི་དྲ་བ། >> ཐོར་བུ། >> ཚེ་རིང་རྣམ་དྲུག་གི་བྱུང་བ་མདོར་བསྡུས་ཚིགས་སུ་བཅད་པ།

ཚེ་རིང་རྣམ་དྲུག་གི་བྱུང་བ་མདོར་བསྡུས་ཚིགས་སུ་བཅད་པ།

[རྩོམ་གྱི་ཡོང་ཁུངས། ངེད་དྲ་བ།] [རྩོམ་པ་པོ། ཀུན་གཟིགས་པཎ་ཆེན་སྐུ་ཕྲེང་དགུ་པ་ཆོས་ཀྱི་ཉི་མ།] [ཟླ་ཚེས། 10-06-08] [ཀློག་གྲངས། ]

 

 

༄༅། །   སྔོན་ཚེ་མཧཱ་ཙིནའི་ཡུལ་གྲུ་འདིར། །             དུས་གསུམ་སྲས་བཅས་རྒྱལ་བས་བྱིན་རླབས་པས། །

མི་འགྱུར་མི་ཞིགས་ཁྱད་ཆོས་བདུན་ལྡན་པའི། །        གཞོམ་བྲལ་རྡོ་རྗེའི་རང་བཞིན་བྲག་རི་བསྐྲུན། །

དེ་ཡི་ངོགས་ལས་འཆི་མེད་བདུད་རྩིའི་རྒྱུན། །          ལྷུང་ལྷུང་རྒྱུན་མར་འབབ་པའི་བརླན་བཤེར་ལས། །

རོ་མཆོག་བརྒྱད་ལྡན་འབྲས་བུས་ཡོངས་དུད་པའི། །   ཚེ་རིང་ལྗོན་ཤིང་རྒྱས་ཤིང་དེ་ཡི་དྲུང་། །

ཚེ་སྣང་དཔག་མེད་མགོན་གྱི་གཟི་བྱིན་སྟོབས། །        སྙིང་ལ་ཞུགས་པ་བདེ་གསལ་མི་རྟོག་པའི། །

ཡེ་ཤེས་ཏིང་འཛིན་མངོན་གྱུར་དྲང་སྲོང་ཆེ། །          ཚེ་རིང་གྲགས་སྙན་འབར་བ་དགྱེས་བཞིན་བཞུགས། །

དྲང་སྲོང་ཆེན་པོའི་ཆབ་གཏོར་རིལ་བུའི་ཚོགས། །     ལོངས་སུ་སྤྱད་པས་རི་དྭགས་ཚེ་རིང་ཐོབ། །

ལྗོན་འབྲས་འཆི་མེད་བཏུང་བའི་རྒྱུན་བཟང་པོར། །   འབད་མེད་སྤྱད་པས་ཚེ་རིང་འདབ་ཆགས་བྱུང་། །

དེ་ལྟར་རྟེན་འབྲེལ་ཕུན་ཚོགས་མི་བསླུའི་སྟོབས། །      བདེན་པའི་མཐུ་ལས་དྲུག་ལྡན་ཚེ་རིང་གཟུགས། ། 

གང་དུ་མཆིས་འདིར་མི་ཤིས་རྒུད་པའི་ཚོགས། །        སྤྱི་དང་ཁྱད་པར་དུས་མིན་འཆི་བ་ཡི། །

འཇིགས་པ་ཀུན་བཅོམ་བདེ་སྐྱིད་དཔལ་འབྱོར་སྟོབས། །   ཚེ་དང་བསོད་ནམས་མཁོ་རྒུའི་ནོར་ལོངས་སྤྱོད། །

གོང་ནས་གོང་དུ་འཕེལ་ཞེས་དྲང་སྲོང་གི །              བདེན་ཚིག་དེ་བཞིན་གནས་འདིར་ལྷུན་གྲུབ་ཤོག །

ཕན་བདེ་འབྱུང་བའི་གནས་གཅིག་པུ། །                  བསྟན་པ་ཡུན་རིང་གནས་པ་དང་། །

བསྟན་འཛིན་སྐྱེས་བུ་དམ་པ་རྣམས། །                     སྐུ་ཚེ་རྒྱལ་མཚན་བརྟན་གྱུར་ཅིག །

སྲས་བཅས་རྒྱལ་བ་ཀུན་གྱི་བྱིན་རླབས་དང་། །          བདག་གིས་རྩེ་གཅིག་སྒྲུབ་ཅིང་གསོལ་བཏབ་མཐུས། །

རྗེ་བཙུན་བླ་མ་མི་ཤིགས་རྡོ་རྗེའི་ཁྲིར། །                 ཚེ་མཐའ་ཡས་པའི་མགོན་བཞིན་རྟག་བརྟན་ཤོག །  

དཔྱད་གཏམ།

དཔྱད་གཏམ་སྤེལ་བ།
པར་དབང་ཡོད་ཚད་ངེད་ཙོང་ཆུའི་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་བརྒྱུད་འགོད་བྱེད་མི་ཆོག
Copyright © 2010 Tsongchu.coM All rights reserved. Powered by: Tibetitw.coM
E-mail:tsongchu@tsongchu.com  QQ:1239685970 QQ:32460212  MSN:tibetan406@hotmail.com