ད་ལྟ་ཁྱེད་ཀྱི་གནས་ཡུལ་ནི། - ཙོང་ཆུའི་དྲ་བ། >> མི་སྣ། >> སྦ་གསལ་སྣང་།

སྦ་གསལ་སྣང་།

[རྩོམ་གྱི་ཡོང་ཁུངས། ངེད་དྲ་བ།] [རྩོམ་པ་པོ། རྩོམ་པ་པོ་མི་གསལ།] [ཟླ་ཚེས། 10-06-07] [ཀློག་གྲངས། ]

         སད་མི་མི་བདུན་གྱི་ཡ་གྱལ་སྦ་གསལ་སྣང་ནི་ཆོས་རྒྱལ་ཁྲི་སྲོང་ལྡེ་བཙན་གྱི་བློན་པོ་ཞིག་སྟེ། རྒྱལ་པོ་སྐུ་ན་ཕྲ་བའི་སྐབས་སུ། བློན་པོ་སང་ཤིས་རྒྱ་ཡུལ་ནས་ཁྲིད་འོངས་པའི་ཧྭ་ཤང་ཞིག་གིས། སྦ་གསལ་སྣང་གི་བུ་མོ་ཤི་བའི་རོའི་ཁར་མུ་ཏིག་འཚལ་གྱིས་བྱུགས་པའི་མཚན་མ་བྱེད་བཅུག་ནས་མའི་མལ་འོག་ཏུ་སྦས་ཤིང་བུ་མོ་མའི་བུར་སྐྱེ་བའི་ལུང་བསྟན་བཞིན་བཙས་པའི་སྐབས་སུ་ཁ་ནས་མུ་ཏིག་བྱུང་བས། གསལ་སྣང་གིས་ཚེ་ཕྱི་མ་ཡོད་པར་ངེས་པ་རྙེད་ནས་ཆོས་ཀྱི་ཆེད་དུ་ལྷོ་བལ་དུ་འགྲོ་བར་རྗེ་ལ་གསོལ་བས་མང་ཡུལ་གྱི་ཁང་དཔོན་དུ་བརྫངས། དེ་ནས་བྱང་ཆུབ་ཆེན་པོ་དང་ན་ལེནྡྲར་མཆོད་པ་བྱས།མཁན་པོ་རིན་པོ་ཆེ་དང་མཇལ་ཏེ་མང་ཡུལ་དུ་སྤྱན་དྲངས། གསལ་སྣང་བཙན་པོའི་དྲུང་དུ་འོངས་ནས་མཁན་པོའི་གསུང་དང་རྒྱུ་མཚན་རྣམས་ཞུས།བདུད་བློན་མ་ཞང་ཁྲོན་པ་སྐྱེའི་ཆད་པ་འབྱུང་དོགས་ནས་རྒྱལ་པོས་གསལ་ཡིབ་ཏུ་བཅུག མ་ཞང་ཁྲོན་པ་སྐྱེ་ཐབས་མཁས་ཀྱིས་བསད་རྗེས། མཁན་པོ་རིན་པོ་ཆེ་བོ་ངྷི་ས་ཏྭ་སྤྱན་འདྲེན་པའི་ཕོ་ཉར་གསལ་སྣང་བརྫངས་པ་བཞིན་རིམ་གྱིས་ཕེབས་ཏེ་འོམ་བུ་ཚལ་དུ་མཇལ། དེའི་རྗེས་སློབ་དཔོན་སྤྱན་དྲངས་ཏེ་བསམ་ཡས་ལྷུན་གྱིས་གྲུབ་པའི་གཙུག་ལག་ཁང་བཞེངས་ཤིང་། སད་མི་མི་བདུན་གྱིས་གཙོས་པའི་བོད་མི་བློ་གསལ་ཞིང་ཡིད་གཞུངས་པའི་ལས་ལྡན་གྱི་སྐྱེས་བུ་དུ་མ་རབ་ཏུ་བྱུང་ངོ་ཞེས་ཀུན་གཟིགས་ལྔ་པ་ཆེན་པོས<<བོད་ཀྱི་དེབ་ཐེར་དཔྱིད་ཀྱི་རྒྱལ་མོའི་དབྱངས>>ལས་གསུངས་པ་བཞིན་སྦ་གསལ་སྣང་ནི་སངས་རྒྱས་ཀྱི་བསྟན་པ་བོད་དུ་དར་བ་ལ་བཀའ་དྲིན་མཆོག་ཏུ་ཆེ་བ་ཞིག་ཡིན། 

 

དཔྱད་གཏམ།

དཔྱད་གཏམ་སྤེལ་བ།
པར་དབང་ཡོད་ཚད་ངེད་ཙོང་ཆུའི་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་བརྒྱུད་འགོད་བྱེད་མི་ཆོག
Copyright © 2010 Tsongchu.coM All rights reserved. Powered by: Tibetitw.coM
E-mail:tsongchu@tsongchu.com  QQ:1239685970 QQ:32460212  MSN:tibetan406@hotmail.com