ད་ལྟ་ཁྱེད་ཀྱི་གནས་ཡུལ་ནི། - ཙོང་ཆུའི་དྲ་བ། >> ནང་བསྟན། >> སྨོན་ལམ་སྟོབས་བཅུ།

སྨོན་ལམ་སྟོབས་བཅུ།

[རྩོམ་གྱི་ཡོང་ཁུངས། ངེད་དྲ་བ།] [རྩོམ་པ་པོ། རྩོམ་པ་པོ་མི་གསལ།] [ཟླ་ཚེས། 10-05-28] [ཀློག་གྲངས། ]

 ༄༅། །སྟོབས་བཅུ་མངའ་བ་ཀུན་གྱི་ཐུགས་རྗེ་ནི། །གཅིག་བསྡུས་ལྷག་པའི་ལྷ་ཡི་རྣམ་རོལ་ལས། །སྲིད་དང་ཞི་བའི་འཇིགས་ལས་སྒྲོལ་བའི་གཉེན། །མགོན་པོ་སྤྱན་རས་གཟིགས་ལ་གསོལ་བ་འདེབས། །རྣམ་འདྲེན་གཞན་གྱིས་གདུལ་བར་མ་ནུས་པ། །མཐའ་འཁོབ་སྲིན་པོ་གདོང་ཅན་བོད་ཡུལ་གྱི། །འགྲོ་ལ་ལྷག་པར་བརྩེ་བའི་སྙིང་སྟོབས་ཅན། །ཐུགས་རྗེའི་གཏེར་ཁྱོད་བརྩེ་བའི་སྤྱན་གྱིས་གཟིགས། །མཐའ་དབུས་ཀུན་ན་བསྟན་པ་གཟུགས་བརྙན་ཙམ། །བསྟན་འཛིན་ཕལ་ཆེར་བསྟན་པའི་དབུ་འཕང་སྨོད། །བསྟན་སྲུང་གཡེལ་བས་བདུད་ཀྱི་དཔུང་ཚོགས་དར། །དུས་ངན་སྙིགས་མའི་རྒུད་པ་བསལ་དུ་གསོལ། །མཁས་རློམ་གཞུང་ལུགས་དོན་ལ་མ་རེག་ཅིང་། །བཙུན་པར་བཅོས་རྣམས་བླང་དོར་ངོ་ལྐོག་འཛོལ། །གྲུབ་པར་ཁས་འཆེ་ཁྲེལ་མེད་སྨྱོན་པ་མང་། །དུལ་ངན་སྙིགས་མའི་རྒུད་པ་བསལ་དུ་གསོལ། །སྡེ་དཔོན་ཁེང་དྲེགས་སྤྱོད་པ་ལོག་པར་ཞུགས། །ཡུལ་ཁམས་ནད་དང་འཁྲུགས་པ་མུ་གེས་མནར། །ཉམ་ཆུང་སྐྱེ་བོ་མགོན་མེད་སྡུག་གྲིར་འཆི། །དུས་ངན་སྙིགས་མའི་རྒུད་པ་བསལ་དུ་གསོལ།།ལོ་འབྲས་མི་སྨིན་སད་སེར་ཐན་པས་འཇོམས།།རྐང་བཞི་མི་འཕེལ་ནད་སྣ་དུ་མས་གཙེས། །ཟས་ནོར་བཅུད་ཉམས་ཉིན་རེ་བཞིན་དུ་འགྲིབ། །དུས་ངན་སྙིགས་མའི་རྒུད་པ་བསལ་དུ་གསོལ། །མདོར་ན་རང་རང་དཀོན་མཆོག་བཀའ་ལས་འདས། །ལས་འབྲས་བླང་དོར་ལོག་པར་བསྒྲུབས་པ་ཡིས། །སྣོད་བཅུད་མཐའ་དག་སྡིག་པའི་འབྲས་བུས་གང་། །དུས་ངན་སྙིགས་མའི་རྒུད་པ་བསལ་དུ་གསོལ། །བག་མེད་བྱིས་པ་རང་ཉིད་བརྡེག་འཆོས་ཏེ། །བརྩེ་བའི་མ་ལ་ཡུས་སུ་བྱེད་པ་བཞིན། །རང་ལས་སྨིན་པའི་ཉམ་ཐག་འགྲོ་རྣམས་ཀྱིས། །གདུང་བའི་སྨྲེ་སྔགས་ཁྱོད་མིན་སུ་ལ་གསོལ། །རང་གི་ལས་སུ་དགོངས་པས་མི་སྐྱོབ་ན། །གཞན་གྱིས་བསགས་པ་སྨིན་པའི་དོགས་མ་མཆིས། །དེ་ཕྱིར་བརྩེ་ལྡན་བརྩེ་བས་ཉེར་དགོངས་ཏེ།།སྲིད་དང་ཞི་བའི་འཇིགས་ལས་སྐྱོབ་ཏུ་གསོལ། །ངན་སོང་ངན་འགྲོའི་གཡང་ལས་བསྒྲལ་དུ་གཡོལ། །ལས་དང་ཉོན་མོངས་འཆི་བ་བཅད་དུ་གསོལ། །ཡང་དག་ལམ་བཟང་བགྲོད་པར་བྱིན་གྱིས་རློབས། །མ་ལུས་འགྲོ་བའི་མགོན་དུ་འགྱུར་བར་ཤོག །

 

དཔྱད་གཏམ།

དཔྱད་གཏམ་སྤེལ་བ།
པར་དབང་ཡོད་ཚད་ངེད་ཙོང་ཆུའི་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་བརྒྱུད་འགོད་བྱེད་མི་ཆོག
Copyright © 2010 Tsongchu.coM All rights reserved. Powered by: Tibetitw.coM
E-mail:tsongchu@tsongchu.com  QQ:1239685970 QQ:32460212  MSN:tibetan406@hotmail.com