ད་ལྟ་ཁྱེད་ཀྱི་གནས་ཡུལ་ནི། - ཙོང་ཆུའི་དྲ་བ། >> བྱམས་སྙིང། >> དྲིན་ཅན་ཕ་མ་རྣམ་གཉིས་ཀྱི་དྲིན་དྲན་པའི་མགུར་དབྱངས།

དྲིན་ཅན་ཕ་མ་རྣམ་གཉིས་ཀྱི་དྲིན་དྲན་པའི་མགུར་དབྱངས།

[རྩོམ་གྱི་ཡོང་ཁུངས། ངེད་དྲ་བ།] [རྩོམ་པ་པོ། རྗེ་འཇིག་མེད་རིགས་པའི་བློ་གྲོས།] [ཟླ་ཚེས། 11-03-23] [ཀློག་གྲངས། ]

                                                                  ཨོཾ་མ་ཎི་པདྨེ་ཧཱུཾ། །               རྟེན་བཟང་པོ་མི་ལུས་རིན་པོ་ཆེ། །

                                                                  སྟེར་མཁན་གྱི་ཕ་མ་དྲིན་ཅན་རྗེ། ། དྲིན་ཆེ་བ་ལེགས་པར་ངོ་ཤེས་ན། །

                                                                  ཕ་མ་ལ་བརྩི་བཀུར་སུས་མི་བྱེད། ། ཁོང་ཕ་མའི་དྲིན་ལན་འཁོར་བར་ཤོག །

                                                                  ཨོཾ་མ་ཎི་པདྨེ་ཧཱུཾ། །               མ་དྲིན་ཅན་གྱི་ཟླ་བ་དགུ་ལྷག་ལ། །

                                                                  རུམ་ལྟོ་བ་དཀའ་ལས་ཆེན་པོས་བཟུང་། ། བུ་ལས་ངན་དེ་ལ་གནོད་དོགས་ནས། །

                                                                  རང་དཀའ་བ་དང་བླངས་སྡུག་ལ་གཟན། ། ཁོང་ཕ་མའི་དྲིན་ལན་འཁོར་བར་ཤོག །

                                                                  ཨོཾ་མ་ཎི་པདྨེ་ཧཱུཾ། །               བུ་བང་ཐོགས་ངུ་སྐད་ཙི་རི་རི། །

                                                                  ཁ་ནུ་རེག་འོ་མ་འཇིབ་ཤེས་ལས། ། གཞན་འགྲོ་འདུག་ཟ་འཐུང་མི་ཤེས་པ། །

                                                                  དེ་ཕ་མའི་ལན་ཆགས་མ་རེད་དམ། ། ཁོང་ཕ་མའི་དྲིན་ལན་འཁོར་བར་ཤོག ། །

                                                                  ཨོཾ་མ་ཎི་པདྨེ་ཧཱུཾ། །               ཟས་གང་ཞིམ་བཅོས་ནས་བུ་ལ་སྟེར། །

                                                                  གོས་གང་ཡགས་བཟོས་ནས་བུ་ལ་སྐོན། ། རང་ལྟོགས་སྐོམ་ཚ་གྲང་ཁྱད་བསད་ནས། །

                                                                  བུ་གཅིག་རུ་བདེ་ཞིང་སྐྱིད་ན་འདོད། ། ཁོང་ཕ་མའི་དྲིན་ལན་འཁོར་བར་ཤོག །

                                                                  ཨོཾ་མ་ཎི་པདྨེ་ཧཱུཾ། །               ལས་མ་བཟང་ཕ་མ་གཞུག་བསྐྱུར་ནས། །

                                                                  སྡུག་མཆི་མ་ཆར་བ་འབབ་འབབ་བཞིན། ། བུ་གཅེས་ཕྲུག་དར་མའི་ངུར་འདེབས་པ། །

                                                                  འཇིག་རྟེན་ན་མཐོང་ཐོས་ཅི་འདྲ་འདུག ། ཁོང་ཕ་མའི་དྲིན་ལན་འཁོར་བར་ཤོག །

                                                                  ཨོཾ་མ་ཎི་པདྨེ་ཧཱུཾ། །               ལས་བཟང་ན་ཕ་མ་དྲིན་ཅན་དེ། །

                                                                  ཚེ་མཐར་ཕྱིན་དགུང་ལོ་མཐོན་པོའི་སྐབས། ། བུ་ཚ་རྒྱུད་སེམས་ལ་འཕྲེང་བཞིན་དུ། །

                                                                  ཚེ་ཕྱི་མར་གཤེགས་པ་སྙིང་རེ་རྗེ། ། ཁོང་ཕ་མའི་དྲིན་ལན་འཁོར་བར་ཤོག །

                                                                  ཨོཾ་མ་ཎི་པདྨེ་ཧཱུཾ། །               སྐྱེ་བ་ཞིག་བླངས་པའི་མཐའ་མ་ལ། །

                                                                  འཆི་བ་དེ་བཟློག་མེད་ཆོས་ཉིད་ཡིན། ། དོན་དེ་ཕྱིར་སེམས་ཀྱི་མྱ་ངན་དང་། །

                                                                  ཁས་ཆོ་ངེ་འདོན་པ་དོན་མེད་ཡིན། ། ཁོང་ཕ་མའི་དྲིན་ལན་འཁོར་བར་ཤོག །

                                                                  ཨོཾ་མ་ཎི་པདྨེ་ཧཱུཾ། །               རྗེ་དྲིན་ཅན་ཕ་མའི་དྲིན་ལན་ལ། །

                                                                  རང་སྡིག་སྤོང་དགེ་སྒྲུབ་ལས་གཞན་མེད། ། ཚེ་ཡུན་ཐུང་རྟེན་བཟང་བཀོལ་ཤེས་ཀྱིས། །

                                                                  ཆོས་ས་ལམ་སྙིང་ནས་བསྒྲུབ་ལ་འབད། ། ཁོང་ཕ་མའི་དྲིན་ལན་འཁོར་བར་ཤོག །

                                                                  ཨོཾ་མ་ཎི་པདྨེ་ཧཱུཾ། །              ཞེས་བྱ་བ་བྲིས་ནས་དོན་དྲན་བཞིན་དུ་བསམ་སྒོམ་རེ་བྱེད་ཀིན་ཡོད་དོ། ། དེ་ཡང་རང་ཅག་འཁོར་བའི་གནས་འདིར་ཐོག་མ་མེད་པའི་དུས་ནས་ད་ལྟ་ལ་ཐུག་གི་བར་སྐྱེ་བ་ལ་ཡ་མཐའ་མེད་པ་དང་། འགྲོ་བ་རིགས་དྲུག་གི་སྐྱེ་བ་འདི་མ་བླངས་བྱ་བ་མེད་པས་དེའི་རིང་སྡིག་པ་མི་དགེ་བ་བགྲང་གིས་མི་ལང་པ་བསགས་པ་ལས་གཉེན་པོ་སྟོབས་ལྡན་ཞིག་དང་མ་ཕྲད་ན་རྐྱེན་དང་ཚོགས་པའི་ཚེ་ལས་ཀྱི་རྣམ་པར་སྨིན་པ་ནི་ལུས་གྲིབ་མ་བཞིན་དུ་འགྲོགས་པས་ན་མི་འདོད་བཞིན་དུ་འབྲས་བུ་ངན་པ་སྣ་ཚོགས་མྱོང་དགོས་པ་ནི་བཟློག་པར་བྱར་མེད་དོ། ། 
 

དཔྱད་གཏམ།

དཔྱད་གཏམ་སྤེལ་བ།
པར་དབང་ཡོད་ཚད་ངེད་ཙོང་ཆུའི་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་བརྒྱུད་འགོད་བྱེད་མི་ཆོག
Copyright © 2010 Tsongchu.coM All rights reserved. Powered by: Tibetitw.coM
E-mail:tsongchu@tsongchu.com  QQ:1239685970 QQ:32460212  MSN:tibetan406@hotmail.com